Sharhlar Qur’oni Karim shafoati

Kurʼoni Karimni hidoyat topganlar uchun nur, to‘g‘ri yo‘l izlaganlar uchun mayos, basirat istaganlar uchun yo‘l va dinu dunë salohiyati uchun eshik qilib qo‘ygan Alloh taologa hamd bo‘lsin! Haq yo‘lda bo‘lgan, mo‘minlarga bashorat beradigan, osiylarni ogohlantiradigan, qalblarga shifo ulashadigan, ziyosi bilan yo‘llarni yoritadigan, bandalarga vaʼz-nasihat qilib, ularni to‘g‘ri yo‘lga chaqiradigan Kitob – Qurʼoni Karimni Alloh taolodan vahiy orqali qabul qilib olgan Habibimiz Muxammad sollallohu alayhi vasallamga salavot va salomlar bo‘lsin! Allohim! Sayyidimiz Muhammad sollallohu alayhi vasallamga, u zotning ahliga, sahobalariga hamda Qiyomat kunigacha ularga yaxshilik bilan ergashganlarga salavot yo‘lla! Robbimiz Alloh subhanahu va taolo O‘zining muborak Kitobini sayyidimiz va habibimiz Muhammad sollallohu alayhi vasallam orqali butun bashariyatga eng buyuk hadya o‘laroq nozil qildi. Shuningdek, uni xalol va harom, xak va botil, saodat va baxtsizlik orasini bir-biridan ajratuvchi hamda butun insoniyat uchun umumiy hidoyat, O‘zining muttakiy bandalari uchun esa xos hidoyat qildi. Shak-shubhasiz, dunyo va oxiratdagi jamiki baxtu saodat Kurʼoni Karimga amal qilish va Uning hidoyatiga ergashish bilan bog‘liqdir. Shuning uchun Kurʼoni Karim insonlar uchun nurli yo‘l va dasturul amal hisoblanadi. Habibimiz Rasululloh sollallohu alayhi vasallam o‘zlarining ko‘plab muborak hadislarida Qurʼoni Karim nuri, hidoyati va Qurʼoni Karim ahliga beriladigan shafoatlar haqida nihoyatda go‘zal, umidbaxsh xabarlarni berib, bizlarni Qurʼoni Karim va Uning taʼlimiga chaqirdilar. Hadislarida Kurʼoni Karim shafoati qorilar uchun dunyo va oxiratda be- riladigan eng buyuk neʼmat ekanini taʼkidladilar. Hurmatli Qurʼoni Karim ixlosmandlari, tajvid shaydolari, hofizi Qurʼonlar! Ko‘lingizdagi ushbu risola Kurʼoni Karim shafoati va fazilati, qorilarning vazifalari va odoblariga bag‘ishlangan. Odatda har bir olim hadislarni o‘z sohasidan kelib chiqqan holda sharhlashga harakat qiladi. Jumladan, muhaddislar hadislarni xadis ilmlari oidalari asosida, mufassirlar tafsir ilmi nuqtai nazaridan sharhlasalar, faqihlar hadislarning fiqhiy jihatiga ko‘proq urg‘u beradilar. Qo‘lingizdagi ushbu risolaning o‘ziga xos jihati shundaki, undagi hadislar Kurʼoni Karim fazilati, taʼlimi va Qurʼoni Karim qiroati hamda odobiga oid koidalar va tajribalar asosida sharhlangan bo‘lib, Qurʼoni Karimni to‘liq yod olgan va qiroat ilmlarini mustahkam egallagan mutaxassislarning teran fikrlari va chuqur tahlillariga alohida urg‘u berilgan. Bir so‘z bilan aytganda, ushbu risoladagi hadislar Kurʼoni Karim yo‘nalishida sharhlangan. Bu kitobni o‘qib, undan foyda olgan har bir mo‘mindan ham Robbim O‘zi rozi bo‘lib, ikki dunë izzatini nasib aylasin. Amin, ya Robbal aʼlamin! So‘zim so‘ngida bu kitobning tayyorlanishi va chop etilishida o‘z xizmatini ayamasdan, xolis Alloh taolo uchun yordam bergan azizlarimning har biriga o‘z minnatdorchiligimni bildiraman. Robbim barchalarining ajru mukofotlarini ziyodasi bilan ato aylasin. Har bir aziz kitobxondan, avvalambor barcha ustozlarimni va dunyoga kelishimga sababchi bo‘lib, mening Qurʼoni Karim o‘rganishimni Alloh taolodan yolvorib so‘ragan marhum ota-onamni, shu jumladan, men ojizni ham duo qilishlarini o‘tinib so‘rab qolaman.